網紅的藏寶箱［認真討論]
作為十六歲前
大部份時間都喺香港生活嘅香港人
我好清楚香港人出名mean
可能我比較敏感
讀緊書嘅時候
會因為出街見到人人黑口黑面
唔多鍾意喺度生活
到今日我都唔明白毒舌嘅滿足感
我哋唔需要處處討好人
但處處討人厭係咪會帶黎滿足感？
唔care人哋鐘唔鍾意自己係一回事
但故意惡言相向都要啲精力
失禮自己，係咪會帶黎某種我唔明白嘅成功感？😳
我習慣見到我欣賞嘅嘢直接讚
即使對住陌生人都會
亦都唔明白點解讚人需要有保留
點解唔可以盡情讚？
但我發現呢份直接
好多時會嚇親香港人
被讚嘅人會下意識懷疑對方有企圖
呢個現象令我好懷疑
香港人係咪S面+隱性M底
習慣互相虐待，又習慣被虐🤣
身為藝人我當然都經歷過
被惡意攻擊嘅時候
（好彩唔算多
多謝大家高抬貴手）
我明白香港人壓力大
需要發洩
不過見到同行嘅人
好多時俾人當死物咁攻擊
就算唔係鬧我都覺得心痛
又講下我個fan group
大家一窩蜂笑我肥
我係會認㗎
你見我從來都唔隱瞞自己有幾鐘意食嘢㗎啦
可能大家變態地覺得咁樣係愛意(?)
覺得集體笑藝人好玩啦
不過如果我調返轉慫恿一大班人
一齊去留言不停笑你
我諗你多數會shut down 留言/account
(所以我個group嘅新規矩係
笑完我要send自拍出黎俾我笑返
唔係邊有資格笑得咁大聲先)
寫咁多嘢唔係要特別捍衛任何人
只係坦白覺得
說話反映修養
好影響我對一個人嘅印象
我覺得香港人係時候
再認真提升下自己呢個意識啦
Search